香港新浪網 MySinaBlog
« 上一篇 | 下一篇 »

Picture

南固台—日光日白都陰風陣陣

Picture

在南固台隔離的聖璐琦中學,在十多年前己關閉,多年荒廢,非常陰森。

Picture

南固台的古典建築物,傳說有人曾在屋內上吊自殺。近年有少女曾在此遇靈異事件並上了報紙頭條。

Picture

在皇后大道東的洪聖古廟,百多年歷史,原本在海邊現己變成了深入陸地的地方。古時中國人會在有靈異事件發生的地方設置廟宇已鎮邪,可能當年街坊這裏有古怪。

Picture

船街,原本是船廠的地方,故名船街,百多年前填海後,離海邊越來越遠了。

Picture

同濟學校的舊址,現只餘下地基。傳說同濟學校才是真正鬼屋之地。

Picture

船街附近已大地產商收購的樓宇,現只剩下荒涼和爛地,仲有很多流浪貓。

Picture

船街鬼屋外牆


[1]

我同你講一件事,信不信由你,不過真係好邪。大約2002年我同一個朋友經過灣仔堅尼地道見到斜坡下面有幢荒廢西洋住宅好靚,但係因為趕住去第二度,只係望咗一陣就走冇留低,一年之後2003年7月我決定自己一個走落呢個斜坡參觀下呢座大宅,雖然已經荒廢又野草叢生,但始終睇得出氣派不凡,心滿意足離開。點解我咁記得係2003年7月呢,因為我記得第二日我就去參加50萬人大遊行,當晚我瞓得好差,成晚個身都唔知點咁又瞓唔著,卒之瞓到半夜乍醒,但只係個人醒咗個身唔郁得,好明顯係「畀鬼責」,我之前從來未試過,所謂當晚真係好驚,成個人唔郁得想嗌救命又嗌唔出。對眼望到間房好似閃光燈快拍一樣閃過不停,幾分鐘之後卒之逐漸郁得。已經成個人好似散曬咁攰。第二日已經一早替迷你電風扇換好電芯,準備下午出發去遊行。點知去到現場發覺風扇好似就快冇電咁樣,心諗我換果排明明係新電芯點會一用就冇電。過咗一排之後有日睇報紙先至知,原來我去參觀呢間西洋古老大屋就係南固台,而報紙頭條就係呢個少女被鬼上身。當年我睇完真係嚇到一額汗,原來我誤闖鬼屋自己都唔知,真係有眼不識泰山,罪過!


[引用] | 作者 雲中傲 | 02-Jan-11 | [舉報垃圾留言]